Budak manja

Ku: Jaka Sunda

Kalakuan si Udin asa kawilang teu sopan, manéhna kacida pisan manjana, pagawéannana téh sok tutah titah kanu séjén.

Saperti dina hiji peuting, manehna gogorowokan ti kamarna nitah bapana nu keur jongjon lalajo TV di teungah imah.

Si udin : Paaa……..., pang nyandakeun cai abdi hoyong eueut..!!
Puguh we atuh bapana teh mani mendelik bari ambek kabina-bina,,

Bapana : Udin.....!! sok siah….. baku geus bijil kabiasaan teu matut teh....ngadon nitah bapa .. !!.. lain molor wae siah, cokot ku sorangan..

Si udin : Atuh Pa, pangnyandakeun cai…., hoyong eueut yeuh, haus !!
( bari tonggoy gogoleran di kamarna )

Bapana : Na ari sia, hayang diképrét ku aing…!! Bener-bener nurus tunjung !!
( bari ngojengkang rek ngepret si udin )

Si Udin : Paaaaaaaa……!!
Bapana : Naon deui siah....!!?? ( bari ngamang ngamang leungeun rek ngéprét )

Si Udin : Upami bapa bade ngéprét ka abdi, punten sakantenan ygandak cai eueut nya…!! ( bari teu kireum kireum )

Bapana : Gusti......... éta mangkeluk... ( bari garo garo teu ateul..)

Hayang Motol

Ku: Ki Sunda Sawawa

Aki mah lamun inget kana lalakon eta, sok hayang seuri sorangan, ari ras ku kalakuan aki... !! hehehe.
Baheula, basa aki leutik keneh pisan, da ngomong oge cadel keneh can bentes. Harita teh masih keneh inget, ceurik ka pun biang, 

ceuk aki teh : " mi.. ujang hayang motol..!! ",
ku pun biang teh dijawab : " sujang..!! engke geus gede hayang motor mah..!! ", samarukna meureun aki teh hayang motor.

Aki tuluy ngarenghik ka pun biang, nya kitu we hayang motol, jawaban pun biang kitu deui sarua nyebutkeun engke geus gede. ku sabab teu diwaro wae, aki teu ngomong deui, ngan pun biang ungsa angseu bari ngomong, "bau naon ieu teh...!!" aki ngomomg : " mi,da bonganna ujang hayang motol teu digugu, jadi weh motolna dina calana."

Pun biang ambek bari seuri : " Sujang lain motol atuh eta mah tapi.... Modooooooooooooooooooooooooll.....!!" bari ngajorowok.... "cecwwwwwwwwwwwwoooooooooooooooooookkkkkk kaditu siah.....!!!!!!!!!.."

aki lumpat da sieun diteunggeul ku gagang sapu... ( ah.. pangalaman  baheula mah matak pikaseurieun ..!! )