WILUJENG ENJING (Siloka)

W engi tadi anjeun datang dina impian
I mut manis nenggorkeun rasa tibelat
L irihna kembang kaasih janten kanineung
U rang duaan silih pasimpay panangan
J adi hiji katresna nu nyaliara
E ndah tur pinuh rasa mamanis
N gagupaykeun rasa kadeudeuh
G andrungna kacinta ngamuara dina dada

E stu janten rasa nu moal pudar
N ganteng mapaes dina sawangan
J ungjunan salira tos wakca balaka
I raha pasini geusan ngajadi
N yimpaykeun pasini jangji
G alindeng kaheman laksana kabiruyungan



Ku: Bibie Dayank di Forrum PUGER’s Pasundan

Jangjawokan Urang Sunda

 ku: Abah Kabayan

jangjawokan jaman baheula nu ku abah masih keneh ingeut

mun euweuh wae angin : "bah deong-bah deong pagmukakeun lawang angin..."

Mun anginna geude teuing supaya langlayangan teu kampakan : "pasbul-pasbul tali kapas tali ngembul...."

mun raheut: "jampe-jampe harupat geura gede geura lumpat"
mun kapeureupeunan: "gisik-gisik tai beurit...tuh tingali gajah diluhur!!"

ngala cacing meh teu peugat/potong : "Cut endang..Ncut endang...

mun rek nyeupah/nyeureuh:

"Seureuh seuri
Pinang nanggeng
Apuna galugaet angen
Gambirna pamuket angen
Bakona galuge sari
Coh nyay, parupat nyay, loeko lenyay
Cucunduking aing taruk harendong
Cucunduking aing taruk paku hurang
Keuna asihan awaking
Asihan si leuget teureup"

mun hese hitut:

"Cakakak di leuweung
Injuk talina
Dihakan dibeuweung
Hitut jadina
Plong blos plong blong………"

nu lainna pek teangan deui..asa loba keneh ngan catetanna keur diteangan heula....