WIRANG KU LUKISAN

ku: Abah Kabayan

Na hiji waktu présiden nagara sasagon nganjang ka paméran lukisan, ku sabab harita presidén téh keur ka serang panyakit panon (bélék) jadi titingalianna rada teu écés, ku sabab kitu manéhna mawa ajudan nu tugasna nunungtun ieu présiden.

dimimitian ningali lukisan ka hiji:

Presidén: “Wah...lukisan ieu hadé...laukna jiga nu hirup!.”

Ajudan: “Sssst...Pak, alon-alon nyariosna bilih kadangu kunu sanés, éta sanés lukisan lauk tapi lukisan buaya!!”

Terus pindah kana lukisan nu lianna

Présidén: “Whuh...ieu lukisan gajah meni katingalina gagah...hebat nu nyieunna!!”

Ajudan: ”Ssssst....Pak, alon-alon ah nyariosna..eta mah lukisan banténg...”

Kusabab di protés waé ku ajudan akhirna ieu présidén nahan diri pikeun ngomentaran lukisan nu ku manéhna di tingalian..nepi ka dina hiji juru ruangan..manéhna teu kuat hayang ngoméntaran hiji lukisan:

Présidén: “Wah..ieu nu ngalukis bener-bener jelema hebat....lukisan Gorilla-na mirip pisan jeung nu aslina....hébat nu nyieun lukisan ieu..kudu menang penghargaan....!!!”

Ajudan: “Sssssssst......Pak,.... alon-alon nyariosna...eta mah sanés lukisan Gorila tapi lukisan bapak...!!!”

LAMUN JADI PRÉSIDÉN

Dongeng Mojang Priyangan

Abah Kabayan: "Cik abah rék nanya lamun kisunda kaparengkeun jadi PRÉSIDÉN boga frogram naon keur ngamajukeun nagara Indonesia?”

Kisunda:"Wah lamun aki jadi présidén rék ngalaksanakeun program,... Kahiji widang Ékonomi kabéh anu ngagur rék dibéré gawé, aki2 jeung  nini2 arék di pansiun,.....Kadua widang insfratuktur arék nyieun jambatan antar pulo,....Katilu widang hukum anu koruptor rék di hukum sabeurat beuratna, teu pira rék dititah nyuhun batu 5 kwintal 10 jameun, ........Ka opat widang olahraga, keur kamajuan PSSI rék ngolo présidén Inggris sangkan timnas inggris daék jadi WNI,....

Cik ari Abah lamun jadi présidén rék kumaha?” (bari légég hayang  disebut pinter)

Abah Kabayan: "Ah, abah mah moal loba... hiji wéh tapi geudé manfaatna"

Kisunda: "Cik naon?” (nganggap remeh)

Abah Kabayan: "Abah mah begitu dilantik soréna rek ngarujuk Kisunda ka rumah sakit jiwa, lantaran hariwang ngalamuna tarik teuing"

Kisunda:”..!¿?$ (Amek bari kekerot)