Saturday, 26 February 2011

Toples Si Abah

Bah Ohim berobat ka doktor kelamin rék mariksa kandungan spermana. Saenggeus tepi, doktor mere toplés leutik bari pok nyarita “Candak toplés ieu ka bumi, enjing candak deui ka dieu, tapi kedah tos aya conto spermaan di lebetna nya!.

Bah Ohim “enya..nuhun dok

Isukna Bah Ohim datang deui ka doktor kelamin bari mawa toplés, tapi euweuh eusian..malahan eta toplés masih bersih.

Doktor:  Naha geuning masih kosong Bah..??”

Bah Ohim: “Kieu Dok, ku Abah geus dipecakan ku leungeun kénca tapi teu bisa, kitu deui ku leungeun katuhu.

Terus Abah téh ménta bantuan pamajikan...sarua deuih, ku leungeun kénca teu bisa, ku leungeun katuhu teu bisa, malah pamajikan mah nepi ka maké baham sagala .....

Kusabab euweuh nu bisaeun, nya abah menta bantuan Neng Nina budak tatangga.... mimiti ku leungeun kénca nepi ka pepereket eta Neng Nina tapi tetep teu bisa, kitu deui ku leungeun katuhu euweuh bedana...ngan kataji ku Neng Nina mah nepi ka di capit na kélék, terus di capit ku pingping-na masih kénéh teu bisa!!!!

Doktor: “Dugi ka nyuhunkeun bantosan ka murangkalih istri tatanggi Bah????”éta Doktor bari peperedeuyan ngabayangkeun nu ka alaman ku si Abah Ohim.

Bah Ohim:”Enya..tug nepi ka ayeuna...Abah, Pamajikan jeung Neng Nina teu bisa muka tutup toplés ieu......

Doktor: “(Gelo..hanas ngabayangkeun nu lain-lain) “ceuk na pikirna........


Cag....
 

No comments:

Post a Comment

Hatur nuhun kana koméntarna, langkung payus pami koméntarna ngenaan posting nu nuju dibahas

Related Posts Plugin for WordPress, Blogger...