KASABARAN

Pirang-pirang lalakon.. pirang-pirang papagon..

Pirang-pirang guguyon..pirang-pirang cipanon..

Satia ngeusian lambaran catetan kahirupan

Kumalayang luhureun palalangon implengan



Nu nembrak.. nu nyamuni.. nu nyaliwang

Ririaban diayun ambing angin wanci

Jadi reueuk.. jadi angkeub.. jadi girimis..

Ngepriskeun karumasaan diri …



Geuning manusa mah éstu makhluk lemah

Teu aya kakuatan anging pangersa manten_Na

Cikénéh sempal guyon balakercakan

Isukna kabéjakeun asup rumah sakit..

Ngan ukur kasabaran nu bakal jadi obat panawarna.



Ku : Kisunda Sawawa di Forrum PUGER’s Pasundan